معاناة التي يعيشهاا سائق الاجرة/ تفاصيل يرويهاا لكم سائق اجرة

BUZZMAROC

كثير من المواطنين يحتقرون السائقين لسيارة الأجرة خاصة الصغيرة منها ،،اغلب الاشخاص كايصحاب ليهوم بلي الطاكسي فيها الفلوس وبلي داك لي كيسوق الطاكسي ديالو ولي صور ايديرو فجيبو،وهذا اكبر خطأ حيتاش نسبة 90% مجرد شوافرية كايخدمو بنهار عند مول الكريمة،كايقوليه مول شي جيب ليا 300 الدرهم فوقت محدد مثلا، ولي صورتيه فوقها ديالك، نجو لشحال كايصور ،فنهار الزوين فليام كايقدر يصور فوق الحساب 100 درهم و هادي مرة فالشهر وغالبا فالعطل و الصيف اما الايام العادية كايتقاتل هير اكمل لاروسيت وبعد الخطرات ماكايصور والو و كايكمل من جيبو باش مايجريش عليه مول الكريمة،مهنة شيفور ديال طاكسي واحد المهنة لي نقدر نكول عليها نسبة الستريس فيها ماكايناش فشي مهنة وخرا وكاطلب الصبر الكبير لي حتا واحد ماغادي يفهم بلي نتا كسائق طاكسي بحال شي عداء كايجري فمدمار سباق مفتوح،الشوافرية ماشي بحال بحال كاين الصغير وكاين الكبير وكاين لي خدام فالحلال و كاين لي صعيب عليه و خدم صخار،اصحاب طاكسي هم مواطنين مغاربة ماشي اعداء،فاش كاتشوفو مستريسي وكايغوت ولا كايكلاكصوني ولا اي حاجة عرف بلي هير سياقة دراجة هوائية فوصت الباطوار مع 6 كايخليك جاي الدار شاعل،اما الدوز نهار كاملو فالشارع ومع اختلاف الاشخاص راه كاتفقد الشعور،ولي وصل فيهوم خمسين كايتصاب بداء السكري والامراض المزمنة وغالبيتهم كايموتو موت مفاجئ ناتج عن ارتفاع نسبة القلق .